അഷ്ടലക്ഷ്മീ ദര്‍ശന പുണ്യം

ലോകമെമ്പാടും രാമായണ കഥയുമായി ബന്ധപ്പെട്ട ക്ഷേത്രങ്ങളും സ്ഥലപുരാണങ്ങളും ഉണ്ടെങ്കിലും സീതാ ലവ കുശ ക്ഷേത്ര സമുച്ചയം, ലവകുശന്മാർ കളിച്ചു നടന്ന ശിശുമലക്കാവ്, മണ്ഡപമൂല അതിരാളൻ ക്ഷേത്രം, ആശ്രമക്കൊല്ലി വാത്മീകി ആശ്രമം, സീതാ ദേവി അന്തർദ്ധാനം ചെയ്ത ജഡയറ്റ കാവ് (ചേടാറ്റിൻ കാവ്), വനവാസ കാലത്ത് ലവകുശന്മാർ ദാഹജലം തേടിച്ചെന്ന വളർത്തു മൃഗങ്ങളുടെ കേന്ദ്രമായിരുന്ന ഏരിയപ്പള്ളി, ദേവഗണങ്ങൾ സമ്മേളിച്ചിരുന്ന ദേവർഗദ്ദ മുതാലായവ പുൽപ്പള്ളിയിൽ രാമായണ സംഭവങ്ങൾക്ക് യുക്തിസഹമായ ചുറ്റുപാടുകൾ ഒരുക്കുന്നുണ്ട്. ഭൂമിയിൽ അന്തർദ്ധാനം ചെയ്ത സീതാ ദേവിയുടെ അറ്റുപോയ ജഡ ആണെന്നു വിശ്വസിയ്ക്കപ്പെടുന്ന പ്രത്യേക തരം പുല്ലും സീതാദേവിയ്ക്കും മക്കൾക്കും ശല്യമുണ്ടാകാതിരിയ്ക്കാൻ വേണ്ടി അട്ട (തോട്ടപ്പുഴു) ഇല്ലാത്ത കാടുകളും ദേവീ പൂജയ്ക്കായി നിത്യേന രണ്ടു പുഷ്പങ്ങളെങ്കിലും വിരിയുന്ന പ്രത്യേക തരം മന്ദാര മരങ്ങളും അങ്ങനെയങ്ങനെ ഒട്ടേറെ പ്രത്യേകതകൾ ഈ നാടിനുണ്ട്.മുകളില്‍ പറയുന്ന എട്ടു ക്ഷേത്രങ്ങളിലൂടെ പോകുന്ന ഭക്തന് അഷ്ടലക്ഷ്മീ ദര്‍ശന പുണ്യം കൈവരുന്നു..